كه‌شناسی هه‌رێم راگه‌یه‌ندراوێكی له‌باره‌ی بارانبارین بڵاوكرده‌وه‌

11:00 - 14/12/2021

28326جار خوێندراوەتەوە

خه‌ندان-

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم، ڕه‌وشی كه‌شوهه‌وا بۆ ئه‌مڕۆ سێشه‌ممه‌ و سبه‌ی چوارشه‌ممه‌ بڵاوكرده‌وه‌ و پێشبینیشده‌كرێت، ئه‌مڕۆ ئاسمانی ناوچه‌كانی هه‌رێم به‌گشتی په‌ڵه‌هه‌ور ده‌بێت و ئه‌گه‌ری نمه‌بارانبارینیش هه‌یه‌. 

كه‌شناسی و بومه‌له‌رزه‌زانی هه‌رێم له‌ڕاگه‌یه‌ندراوێكدا رایگه‌یاند، ئه‌مڕۆ سێشه‌ممه‌ ئاسمان له‌سه‌رجه‌م ناوچه‌كانی هه‌رێمی كوردستان هه‌ور ده‌بێت  به‌درێژایی كاته‌كان و ئه‌گه‌ری نمه‌بارانیش هه‌یه‌، خێرایی با له‌نێوان 5-15 كیلۆمه‌تر ده‌بێت له‌كاتژمێرێكدا.

سبه‌ی چوارشه‌ممه‌، ئاسمان به‌گشتی هه‌ور و نیمچه‌ هه‌ور ده‌بێت

ئه‌وه‌شی خسته‌ڕو، سبه‌ی چوارشه‌ممه‌، ئاسمان به‌گشتی هه‌ور و نیمچه‌ هه‌ور ده‌بێت، نزمترین پله‌ی گه‌رمای پێشبینیكراو 8 پله‌ی سه‌دی و به‌رزترین پله‌ش 19 پله‌ی سه‌دی ده‌بێت.

ئێواره‌ی دوێنێ دوشه‌ممه‌، ده‌سته‌ی گشتی كه‌شناسی و بومه‌له‌رزه‌زانی عێراق رایگه‌یاند، پێشبینیده‌كرێت له‌ رۆژی پێنجشه‌ممه‌وه‌، شه‌پۆلێكی به‌فرو بارانبارین ناوچه‌ جیاجیاكانی عێراق و هه‌رێمی كوردستان بگرێته‌وه‌ و ئه‌گه‌ریشی هه‌یه‌، له‌چه‌ند ناوچه‌یه‌ك لافاو دروست ببێت.

 

نیشانەکردن

كه‌شناسی‌