هەواڵی ئەمڕۆ

پەرلەمانتارێک: قەپان (ویستگەکانی کێش) دەدرێتە کەرتی تایبەت

09:29 - 03/12/2021

1669جار خوێندراوەتەوە

 

خەندان-
ئەندامێکی پەرلەمانی کوردستان رایدەگەیەنێت، وەزارەتی شارەوانی و گەشتوگوزاری هەرێمی کوردستان پڕۆژەیەکی بڵاوکردوەتەوە بۆ پێدانی قەپان (ویستگەکانی کێش) بە کەرتی تایبەت، دەشڵێت، "ئایا ڕەوایە حکومەت 45 دەفتەری نەبێت بۆ کڕینی قەپان! قەپان بدرێتە کۆمپانیاو ڕۆژانە پارە لە بار ھەڵگر وەربگیرێت".

ئایا ڕەوایە حکومەت 45 دەفتەری نەبێت بۆ کڕینی قەپان!

عەلی حەمە ساڵح، ئەندامی پەرلەمانی کوردستان دەقی نوسراوێکی وەزارەتی شارەوانی و گەشتوگوزاری هەرێمی بڵاوکردوەتەوە و باسی لەوەشکردوە، "نرخی قەپانێک نزیکەی 15000 دۆلارە ( دەفتەرو نیوێکە) ئایا ڕەوایە حکومەت 45 دەفتەری نەبێت بۆ کڕینی قەپان!".

 ڕەوایە قەپان بدرێتە کۆمپانیاو ڕۆژانە پارە لە بار ھەڵگر وەربگیرێت بۆ 15 ساڵ

ئاماژەی بەوەشکردوە، " ئایا ڕەوایە قەپان بدرێتە کۆمپانیاو ڕۆژانە پارە لە بار ھەڵگر وەربگیرێت بۆ 15 ساڵ بەشێکی داھات بۆ کۆمپانیا بێت! حکومەتێک نەتوانێت 45 دەفتەر بداتە قەپان کۆمپانیا بکاتە شەریکی گیرفانی خەڵک".

May be an image of text

نیشانەکردن

حکومەتی هەرێم