واشنتن بۆ یه‌كه‌مجار له‌ ساڵی 1996ەوە باڵیۆزی خۆی له‌ سودان دەستنیشان دەکات

09:55 - 28/11/2021

1274جار خوێندراوەتەوە

خه‌ندان-

ویلایەتە یەکگرتوەکانی ئه‌مریكا نوێنەرایەتی دیپلۆماسی خۆی لە سودان زیادکرد، دوای ئەوەی جۆن گۆدفری وەک یەکەم باڵیۆزی واشنتن لە خه‌رتوم لە ساڵی 1996ەوە دەستنیشان کرا.

ئاژانسی هەواڵی سودان بڵاویکردەوە، جۆن گۆدفری، وەک یەکەم باڵیۆزی واشنتن لە خه‌رتوم ده‌ستنیشانكراوه‌، ئه‌وه‌ش یه‌كه‌م باڵیۆزه‌ له‌ ساڵی 1996ه‌وه‌.

 گۆدفری پێشتر چەند به‌رپرسیارێتیه‌كی وه‌رگرتوه‌، لەوانە جێگری سەرۆکی ئەرکان ئەمریکا لە ڕیاز و سعودیە
ئاماژه‌ی به‌وه‌شكردوه‌، گۆدفری پێشتر چەند به‌رپرسیارێتیه‌كی وه‌رگرتوه‌، لەوانە جێگری سەرۆکی ئەرکان ئەمریکا لە ڕیاز و سعودیە، نوێنه‌ری هەمیشەیی ئەمریکا بۆ نەتەوە یەکگرتوەکان لە ڤییەنا و هه‌روه‌ها کارەکانی لە باڵیۆزخانەکانی وڵاتەکەی لە بەغدا و تەرابلوس و دیمەشق به‌ڕێوه‌بردوه‌.
لە مانگی (ئازار/3)ی ئه‌مساڵدا واشنتن بڕیاریدا سودان لە لیستی پشتیوانانی تیرۆرۆ لابدات
لە مانگی (ئازار/3)ی ئه‌مساڵدا واشنتن بڕیاریدا سودان لە لیستی پشتیوانانی تیرۆرۆ لابدات، بەوەش بڕیاری سزا داراییه‌كانی له‌سه‌ر وڵاته‌كه‌ لابرد.