کازمی لەبارەی خۆپیشاندانەکانی هەرێم پەیامێک بڵاودەکاتەوە

08:15 - 25/11/2021

14566جار خوێندراوەتەوە

 

خەندان-
مستەفا کازمی، سەرۆک وەزیرانی عێراق رایگەیاند، خۆپیشاندانەکانی هەرێمی کوردستان و بەتایبەت شاری سلێمانی پێویستی بە هەڵوێستی بەرپرسانە هەیە بۆ پاراستنی ئاسایشی کۆمەڵایەتی، هەروەها خۆپیشاندانی ئاشتیانە مافێکی دەستورییە و زیانگەیاندن بە خۆپیشاندەران و موڵکی گشتیش رەتدەکەنەوە.

روداوە ئازاربەخشەکانی ئەم دوایەی هەرێمی کوردستان پێویستی بە هەڵوێستی بەرپرسانە هەیە
مستەفا کازمی لە هەژماری فەرمی خۆی لەتویتەر پەیامێکی لەبارەی خۆپیشاندانەکانی هەرێم  بڵاوکردەوە و نوسیویەتی، "روداوە ئازاربەخشەکانی ئەم دوایەی هەرێمی کوردستان بەتایبەت شاری سلێمانی ئازیز، پێویستی بە هەڵوێستی بەرپرسانە هەیە بۆ پاراستنی ئاسایشی کۆمەڵایەتی."
دەستدرێژی بۆ سەر خۆپیشاندەران و موڵکی گشتی و تایبەت رەتکراوەیە
ئاماژەی بەوەشکردوە، "خۆپیشاندانی ئاشتیانە مافێکی دەستورییە بۆ هەموان، دەستدرێژی بۆ سەر خۆپیشاندەران و موڵکی گشتی و تایبەت رەتکراوەیە".

ماوەی چوار رۆژە خۆپیشاندانی ناڕەزایی خوێندکارانی زانکۆ و پەیمانگەکان لە شارەکانی سلێمانی رانیە، هەڵەبجە، کەلار و هەولێر دەستیپێکردوە و خوێندکاران داوای باشتکردنی ژیانیان و پێدانی دەرماڵە دەکەن.