حاكم قادر: دەبێت وەزیرانی خوێندنی باڵا و دارایی بە زوترین كات كێشەی خوێندكاران چارەسەربكەن

04:46 - 23/11/2021

708جار خوێندراوەتەوە

خەندان-

حاكم قادر حه‌مه‌جان، ئه‌ندامی ئه‌نجومه‌نی باڵای سیاسیی و به‌رژه‌وه‌ندیی یه‌كێتی رایگەیاند، خوێندكاران داوای مافێكی ڕەواو یاسایی خۆیان دەكەن و پشتیوانی لە داواكارییەكانیان و ھەمو خەباتێكی مەدەنییان دور لە توندوتیژی دەكەن و  داوا لە حكومەت دەكەن ھەرچی زوە بێتە سەرخەت و وەڵامی داواكارییەكانیان بداتەوە و مافەكانیان بۆ بگەڕێنێتەوە و لە داھاتودا ھەلی كاریان بۆ بڕەخسێنێت بەپێی بەڵێنەكانی پێشو كە بە خوێندكاران و لاوان و گەنجانی ھەرێمەكەمانیان داوە.
 
نوسینگەی حاكم قادر حه‌مه‌جان بڵاویکردەوە، ئەمڕۆ سێشەممە پێشوازی كرد لە ئالان ڕەوف، بەڕێوەبەری كتێبخانەی گشتی سلێمانی و ژمارەیەك لە ستافی كتێبخانەكە ‎و رایگەیاند، "دەبێت بەردەوام برەوی زیاتر بە بواری كتێب و  خوێندنەوە بدرێت، وەك فاكتەرێك بۆ پێشخستنی زیاتری كۆمەڵگە و گەشەسەندنی ئاستی رۆشنبیری بەتایبەت كە سلێمانی پایتەختی كولتوری و رۆشنبیرییە".

خوێندكاران داوای مافێكی ڕەواو یاسایی خۆیان دەكەن و پشتیوانی لە داواكارییەكانیان و ھەمو خەباتێكی مەدەنییان دور لە توندوتیژی دەكەین

حاكم قادر تیشكی خستوەتە سەر خۆپیشاندانی خوێندكارانی زانكۆ و پەیمانگاكان بۆ گەڕاندنەوەی دەرماڵەكانیان و وتی، "خوێندكاران داوای مافێكی ڕەواو یاسایی خۆیان دەكەن و پشتیوانی لە داواكارییەكانیان و ھەمو خەباتێكی مەدەنییان دور لە توندوتیژی دەكەین و داوا لە حكومەت دەكەین ھەرچی زوە بێتە سەرخەت و وەڵامی داواكارییەكانیان بداتەوە و مافەكانیان بۆ بگەڕێنێتەوە و لە داھاتودا ھەلی كاریان بۆ بڕەخسێنێت بەپێی بەڵێنەكانی پێشو كە بە خوێندكاران و لاوان و گەنجانی ھەرێمەكەمانیان داوە".

دەبێت ھەردو وەزیری خوێندنی باڵا و دارایی، بە زوترین كات كێشەی خوێندكاران چارەسەر بكەن

جەختیشی كردەوە، كە "دەبێت ھەردو وەزیری خوێندنی باڵا و دارایی، بە زوترین كات كێشەی خوێندكاران چارەسەر بكەن، نەك یەكتری تۆمەتبار بكەن، چونكە ئەوە ڕاكردنە لەو بەرپرسیارێتییەی لەسەر شانیانە". 

حاكم قادر ئاماژەی بەوەشكرد، "خوێندكاران وەك توێژێكی ھۆشیاری كۆمەڵگە و سامانێكی نەتەوەیی و مرۆیی، دەبێت بەردەوام حكومەت لە پشتیان بێت و لە ئاست خواست و داواكارییەكانیاندا بێت و وەك توێژێكی گرنگی كۆمەڵگە مامەڵەیان لەگەڵدا بكرێت".

No description available.