بارانبارین له‌ ئه‌مریكا مردنی ژماره‌یه‌ك هاوڵاتی لێكه‌وته‌وه‌

11:30 - 07/10/2021

3867جار خوێندراوەتەوە

خه‌ندان-

له‌ئه‌نجامی بارانبارینێكی زۆر له‌ ویلایه‌تی ئالابامای ئه‌مریكا، ئه‌مڕۆ پێنجشه‌ممه‌، 4 (چوار) كه‌س مردن و چه‌ندین ماڵیش داڕوخان و ژماره‌یه‌ك رێگاش داخران. 

به‌رپرسێكی ناوچه‌ی مارشاڵی ویلایه‌تی ئالاباما رایگه‌یاند، به‌هۆی بارانبارینێكی به‌هێز كه‌ روی له‌شاره‌كه‌یان كردوه‌، تاوه‌كو ئێستا 4 (چوار) منداڵ ژێرئاوكه‌وتون و مردون، جگه‌ له‌وه‌ش ژماره‌یه‌ك ئۆتۆمبێل به‌ته‌واوی كه‌وتونه‌ته‌ ژێرئاوه‌وه‌ و زیانی زۆری ماددیان به‌ركه‌وتوه‌. 

نزیكه‌ی 20 (بیست) ئۆتۆمبێل له‌ بارانبارینه‌كه‌ رزگاركراون

به‌رپرسانی ویلایه‌تی ئالاباما باسیان له‌وه‌كرد، نزیكه‌ی 20 (بیست) ئۆتۆمبێل له‌ بارانبارینه‌كه‌ رزگاركراون و 80 (هه‌شتا) ماڵی دیكه‌ش به‌هۆی دروستبونی لافاوه‌وه‌ زیانی زۆریان به‌ركه‌وتوه‌.

دوێنێ چوارشه‌ممه‌، ده‌سته‌ی نیشتمانی كه‌شناسی ئه‌مریكا هۆشداریدا له‌ دروستبونی لافاوێكی كتوپڕ له‌ ناوچه‌ی شێلبی و جێفرسۆن له‌ ئالاباما و راشیگه‌یاند، پێشبینیده‌كرێت له‌نێوان 13 بۆ 25 سانتیمه‌تر بارانبارین له‌ رۆژێكدا تۆماربكرێت.

نیشانەکردن

باران ئه‌مریكا