زۆرترین خوێنراو
وتاره‌کانی تری نوسه‌ر
19/08/2010
خوێندنی‌ باڵا و چاكسازی‌
سامان ساڵح

له‌ كوردستاندا كێشه‌ی‌ كاره‌با و ئاو و شه‌قام و قیرتاو و كۆڵان و ئاوه‌ڕۆ و پێداویستییه‌ سه‌ره‌تاییه‌كانمان هه‌یه‌ له‌ كه‌مه‌وه‌ تازۆر و له‌به‌رامبه‌ر هه‌ر كه‌موكورتییه‌كیشدا حكومه‌ت ده‌خرێته‌ به‌ر ڕه‌خنه‌ و به‌لێپرسراو له‌ كه‌موكورتییه‌كان داده‌نرێت، بێگومان له‌ ڕووی‌ زانستییه‌وه‌ حكومه‌ت وه‌ك به‌شێك له‌ نیزامی‌ سیاسی‌ به‌رپرسه‌ له‌ داوا و خواست و پرسیاره‌كانی‌ خه‌ڵك و پێویسته‌ وه‌ڵامیان بداته‌وه‌ به‌ به‌ڵێ‌ یان نه‌خێر.
له‌ ڕاستیدا ئه‌وه‌ی‌ له‌ كوردستان یه‌كێكه‌ له‌ كێشه‌ گه‌وره‌كان حكومه‌ت نه‌یتوانیوه‌ یان ناتوانێت وه‌ڵامی‌ داوا و پرسیاره‌كانی‌ هاوڵاتی‌ بداته‌وه‌ و ئه‌مه‌ش ڕه‌خنه‌ی‌ دروستكردووه‌ له‌سه‌ر ئه‌دائی‌ حكومه‌ت و له‌لایه‌كی تره‌وه‌ بۆته‌هۆی‌ ده‌ستنه‌كه‌وتنی‌ زانیاری‌ بۆ سه‌رچاوه‌كانی‌ هه‌واڵ و هه‌ندێجار زیاتر سه‌ری‌ كێشاوه‌ بۆ لێكۆڵینه‌وه‌ی‌ نابابه‌تی‌ و ڕووبه‌ڕووبوونه‌وه‌ی‌ نێوان میدیا و حكومه‌ت، چونكه‌ دواجار حكومه‌ت كه‌مته‌رخه‌مییه‌كانی‌ خۆی‌ باس ناكات و وه‌ڵامیش ناداته‌وه‌، ئیتر له‌مه‌وه‌ دیواری‌ بێ متمانه‌یی‌ دروستده‌بێت و هه‌ریه‌كه‌ و له‌ ئاشێك ده‌خوێنێت.
ئێمه‌ له‌ كوردستان (به‌تایبه‌ت ئه‌وانه‌ی‌ چاودێری‌ ڕه‌وشی‌ خوێندن و په‌روه‌رده‌ ده‌كه‌ین) زۆرباش ئاگامان له‌ كه‌موكورتییه‌كانی‌ وه‌زاره‌ته‌كانی‌ خوێندنی‌ باڵا و په‌روه‌رده‌یه‌، چونكه‌ بۆ یه‌كێك ئه‌گه‌ر گرنگیی‌ به‌م لایه‌نه‌ بدات تاڕاده‌یه‌كی‌ زۆر گران نییه‌، چونكه‌ ده‌رهاویشته‌ی‌ (مخرجات)ی‌ ئه‌م دوو كه‌رته‌ هێنده‌ ئه‌نجامی‌ باشیان نه‌داوه‌ به‌ده‌سته‌وه‌ تالێیان دڵخۆشبین، ئه‌وه‌ كه‌رته‌كانی‌ تر هه‌ر باس ناكرێت، به‌ڵام شتێك كه‌ نابێت له‌بیری‌ بكه‌ین ئه‌وه‌یه‌ كه‌ ئه‌م دوو كه‌رته‌ سه‌رچاوه‌ی‌ دابینكردنی‌ بڕێكی‌ زۆر له‌ كادری‌ كه‌رته‌كانی‌ ترن.
من ده‌مه‌وێ‌ لێره‌دا شتێك بڵێم، ئه‌ویش ئه‌و پرۆسه‌ی‌ چاكسازییه‌یه‌ كه‌ وه‌زیری‌ خوێندنی‌ باڵای‌ حكومه‌تی‌ هه‌رێمی‌ كوردستان له‌ كابینه‌ی‌ شه‌شه‌مدا ده‌ستی پێكردووه‌ و له‌ ڕاستیشدا ئه‌گه‌ر به‌ویژدانه‌وه‌ لێی‌ بڕوانین هه‌نگاوێگی‌ جدییه‌ (من وه‌زیر ناناسم و كاریشم پێی‌ نییه‌ و له‌ زانكۆی‌ حكومیشدا نیم و ته‌نانه‌ت مووچه‌خۆری‌ ئه‌م حكومه‌ته‌ش نیم)، به‌ڵام شتێك كه‌ زۆر جێگه‌ی‌ داخه‌ له‌گه‌ڵ ئه‌وه‌ی‌ كه‌ چاكسازییه‌ك ده‌كرێت له‌ كوردستاندا خێراو بێئه‌وه‌ی‌ هیچ ئه‌نجامێكی‌ لێبكه‌وێته‌وه‌ به‌خێرایی‌ كۆمه‌ڵێك كه‌س ده‌كه‌ونه‌ سه‌نگه‌رگرتن لێی‌ و ڕه‌خنه‌گرتنی‌، من لێره‌وه‌ ده‌مه‌وێ‌ چه‌ند شتێك بڵێم، كه‌ ئه‌ویش ئه‌وه‌یه‌ ئه‌و ڕه‌خنانه‌ی‌ كه‌ ده‌گیرێن (به‌شێكیان نه‌ك هه‌موویان) ده‌چێته‌ خانه‌ی‌ ئه‌و ڕه‌خنانه‌وه‌ كه‌ به‌ به‌رنامه‌ له‌ كابینه‌ی‌ شه‌شه‌م ده‌گیرێت و هه‌مان به‌رنامه‌ش بۆ وه‌زیری‌ په‌روه‌رده‌ی‌ پێشوو د.دڵشاد، دانرا كاتێك كه‌ پرۆسه‌ی‌ گۆڕینی‌ سیستمی‌ په‌روه‌رده‌ی‌ ده‌ستپێكرد، كه‌ ئه‌گه‌ر بهێڵرایه‌ به‌رده‌اوم بێت و گه‌شه‌ی‌ پێبدرایه‌ ئه‌وا كارێكی‌ نه‌كرده‌ له‌ كوردستان و ئه‌نجامێكی‌ دڵخواز به‌دیده‌هات، هه‌ر بۆ نموونه‌ له‌كاتی‌ گۆڕینی‌ سیستمی‌ په‌روه‌رده‌ له‌ كوردستان ژماره‌یه‌ك ئازیز پێشتر بۆ هه‌ر شتێكی‌ باش و جوان له‌ كوردستان قسه‌یان بكردایه‌ نموونه‌ی‌ وڵاتی‌ سویدیان ده‌هێنایه‌وه‌، كه‌چی‌ له‌كاتێكدا كه‌ گۆڕانكارییه‌كه‌ی‌ وه‌زاره‌تی‌ په‌روه‌رده‌ كراو ده‌یانوت كه‌ی‌ سیستمی‌ سوید بۆ ئێره‌ ده‌بێت؟ (له‌كاتێكدا سیستمه‌كه‌ سویدیی‌ نه‌بوو، خۆزگه‌ وابوایه‌)، به‌ڵام دیاره‌، چونكه‌ وه‌زیره‌كه‌ یه‌كێتییه‌ یان یه‌كێتیی‌ دایناوه‌ ئیتر ئه‌گه‌ر جوانترین شت بخوڵقێنێت ئه‌وه‌ به‌خراپ له‌ قه‌ڵه‌می‌ ده‌ده‌ن، من ناڵێم كاره‌كانی‌ وه‌زیری‌ خوێندنی‌ باڵا شیاوی‌ ڕه‌خنه‌نین، به‌ڵام ده‌بێت له‌پێناو به‌رده‌وامبووندا بێت ڕه‌خنه‌كان و وه‌زیریش مكوڕبێت له‌سه‌ر جێبه‌جێكردنیان، نه‌ك چاكسازییه‌كان له‌ سلێمانی‌ وه‌ك نه‌خشی‌ به‌رد جێبه‌جێبكرێت و له‌ هه‌ولێر و دهۆك و سۆران بخرێنه‌ بۆكس فایلی‌ ئه‌رشیفه‌وه‌ له‌ زانكۆكانی‌ ئه‌وێ‌، چونكه‌ مسداقییه‌تی‌ چاكسازییه‌كه‌ له‌ گشتگیرییه‌كه‌یدایه‌، ئه‌گینا ئه‌گه‌ر له‌لایه‌ك جێبه‌جێبكرێت و له‌لایه‌كی تر، نا، ئه‌وا ئه‌وه‌ له‌ كاری‌ وه‌زاره‌ت ناچێت.
بابپرسین وه‌زیری‌ خوێندنی‌ باڵا چی ده‌كات؟ وه‌زیری‌ خوێندنی‌ باڵا به‌پێی‌ پله‌ی‌ زانستیی‌ و كوالیتیی‌ و شیاوی‌ به‌رپرسه‌كانی‌ وه‌زاره‌ت داده‌نێت و به‌رنامه‌ی‌ تواناسازی‌ داهێناوه‌ (به‌پشتیوانی‌ حكومه‌ت) و ناهێڵێت واسیته‌ و خزمایه‌تی‌ و حیزبایه‌تیی‌ جێگه‌ی‌ بێته‌وه‌ له‌ زانكۆكان، وه‌زیر داواده‌كات ئاستی‌ زانستیی‌ زانكۆ به‌رزبكرێته‌وه‌ و گه‌شه‌ به‌زمانه‌كان بدرێت و چه‌ندین كاری‌ تر... ئایا ئه‌مانه‌ خراپن بۆ كوردستان؟ ئایا قسه‌كردن له‌سه‌ر توانا و ئاستی‌ زانكۆ كوفره‌؟ ئه‌گه‌ر له‌ كوردستان ئه‌مانه‌ كوفربن ئه‌ی‌ چی‌ باشه‌؟

ئه‌م بابه‌ته 2835 جار خوێنراوه‌ته‌وه‌‌
 
دانا
كاك سامان من حه زم ئه كرد يان موجه خور بوايت له وه زاره تى به روه رده يان ماموستاى زانكو جونكه تا ئيستاش مه لبه ندو لق سه روك به شه كان له خويانن ساليكه وه زير خويندنى بالا جى كردوه.
sharazuri
به رنا مه ى تواناسازى ئه وه شتيكى زورباشه نه ك بو زانينى زمان ى عه ره بيو ئينكليزى به لكو حه قه جى ماسته رو دكتوراى دواى سالى 2000 هه يه جاوى بى بخشينريته وه به تايبه تى زانسته مروفايه تيه كان .زه مانى هه شتاكان بويه رقم له به عث ئه بووه جونكه به عثي يه كان بينج درجه ى معه دده ليان بو زياد ئه كرا بو وه ركرتن له زانكو كان كه جى ئيستا 2-3 كوليزى فه ل هه يه وه ك را كه ياندن و زانسته مروفايه تى يه كان جى ده رجوى دوانا وه ندى بيشه سازي و ته ندروستى هه يه ئيستا ماسته رو دكتورايان هه يه زور به شيان ئيستا به رله مانتارو مسته شارى وه زاره ته كانن كه به داخه وه زور به يان يه كيتي و كورانن . من بيشنيار ئه كه م ئه ما نه كوبكرينه وه و سه ر له نوى امتحانى تواناسازيان بو بكريت .من له و بروايه دام ئه كه ر تاقيكردنه وه 6 ى بنه ره تى بكرين سه دا نه وه تيان ده رنا جن. شوينيكى حزبي ئه زانم جايجيه كه شيان ماسته رى ته واو كرد له راكه ياندن برواتان بيت كورديه كه شى باش نيه . قور به سه ر كوردايه تى .
  مه‌رجه‌ ناو بنوسیت  :ناو
سایتی خه‌ندان پێشوازی له‌ ڕاو بۆچوون و تێبینی هه‌موو خوێنه‌ره‌كانی ده‌كات و داوا ده‌كات له‌و به‌ڕێزانه‌ی ده‌یانه‌وێ به‌تێبینیه‌كانیان له‌سه‌ر بابه‌ت و هه‌واڵه‌كانمان به‌شداری بكه‌ن ڕه‌چاوی ئه‌م خاڵانه‌ی خواره‌وه‌ بكه‌ن:
یه‌كه‌م:دوورنه‌كه‌وتنه‌وه‌ له‌ گیانی بابه‌تیانه‌
دووه‌م: دووركه‌وتنه‌وه‌ له‌ شتی شه‌خسی و ته‌شهیركردن و برینداركردنی بیروباوه‌ڕ و عه‌قیده‌كان
سێیه‌م: ڕه‌چاوی ئه‌وه‌ بكرێت كه‌ ژماره‌ی پیتی تێبینیه‌كان له‌ 1000 پیت تێپه‌ڕ نه‌كات
چواره‌م:هه‌ر تێبینیه‌ك ڕه‌چاوی ئه‌و خاڵانه‌ی سه‌ره‌وه‌ نه‌كات بڵاو ناكرێته‌وه‌  
:بۆچوون
 
 

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.