خەندان –
لە وڵاتی چین بەرلەوەی پۆلیس دەست بەکارەکانی بکات پێویستە کۆرسێکی تایبەت بە (پیشاندانی جوانترین پێکەنین) ببینێت، بۆ ئەوەی بە باشترین شێوە توانای خۆی بۆ خزمەتکردنی هاوڵاتیانی وڵاتەکەی بخاتەکار و هاوڵاتیان لەگەڵ دەرکەوتنی پۆلیسدا هەست بە خۆشی و ئارامی بکەن، نەک ترس و دڵەڕاوکێ.
ئەم کۆرسە لە شاری (دایلان)ی وڵاتی چیندا بەرێوەدەچێتو کۆمەڵێک چالاکوانی مەدەنیی جیهانی ئەم هەنگاوەی پۆلیسی چین-یان بە هەنگاوێکی زۆر گرنگ وەسفکرد، راشیانگەیاند کە پێویستە هەموو جیهان چاو لەم کارەی پۆلیسی چین بکەن، بەتایبەتیش پۆلیسەکانی رۆژهەڵاتی ناوەراست.
بەرێوبەرانی ئەم کۆرسە رایانگەیاند، کە ئامانجی ئەم کۆرسە بریتیە لە خۆشەویستکردنی پۆلیس و ئاسایش لەناو کۆمەڵگەدا و باشترکردنی پەیوەندی هێزەکانی ئاسایش و هاوڵاتیانە.
بەپێی چەند لێکۆڵینەوەیەک دەرکەوتوە کە پۆلیسی چین خاوەنی باشترین راهێنان و نەرمونیان ترین مامەڵەیە لە جیهاندا.
لە ئینگلیزیەوە : عەبدوڵا محەمەد
سەرچاوە و فۆتۆ : دەیلی مەیڵ