زۆرترین خوێنراو
 
Loading
گۆرانی بۆ كوردستان دەڵێت
AM:09:39:24/10/2012
خەندان ـ دەرباز ساڵح

ماوەی شەش مانگە حسام رەسام، گۆرانیبێژی عیراقی، لە شاری هەولێر نیشتەجێیە، وەك خۆیشی ئاماژەی پێدەكات، هەولێری لە زۆر وڵاتی دیكەی عەرەبی پێ خۆشترەو بڕیاری داوە بە یەكجاری لەو شارە نیشتەجێ‌ ببێت. باس لەوەش دەكات كە چەند پرۆژەیەكی هونەری لە هەرێم ئەنجامدەدات‌و لە دوایین ئەلبومیشیدا گۆرانییەك بۆ كوردستان دەڵێت.

لە دیمانەیەكی كورتدا لەگەڵ (خەندان) حسام رەسام رایگەیاند، "شەش مانگە هاتو‌ومەتەوە هەولێر و بە یەكجاریش لە هەولێر دادەنیشم، تەواوی خێزانەكەم هێناوەتەوە هەولێر و ناگەڕێمەوە".

رەسام باسی لە خۆشەویستی خەڵكی شاری هەولێر كرد بۆی‌و وتی: "خەڵكی هەولێر هەموو شتێكیان بۆ كردووم، پاسەوان و خانوو و كار‌و ئیقامە هەموو شتێكیان بۆ كردووم".

لە وەڵامی ئەو پرسیارەی چۆن بوو دواجار هەولێری هەڵبژارد، رەسام وتی: "من لە ئوردن و سوریا و لوبنان و دوبەی ژیاوم‌و هەمو‌ویانم جێهێشت‌و هاتمە هەولێر دانیشتم، چونكە لای من زۆر خۆشەویستە كوردیش زۆر منیان خۆش دەوێت".

لەبارەی ئەوەی ئایا پرۆژەی هونەری چی دەبێت،حسام رەسام وتی: "سەنتەرێكی رۆشنبیری دەكەمەوە بۆهونەرو وەرزش‌و مۆسیقا، كە بەم نزیكانە رەزامەندی حكومەتم بۆ دێتەوە".

لەبارەی ئەو پرۆژەیەوە وتی: بەشێوەیەكی گشتی بۆ منداڵی كورد و عەرەب دەبێت، دەمەوێت منداڵانی كوردو عەرەب بەیەك بناسێنم و هەرد‌ووكیان فێری زمانی یەكتر ببن.

لەبارەی كارەكانی خۆشییەوە ئەوەی خستەڕوو "دوایین پرۆژەی هونەریم مانگی 11ی ئەمساڵ دەردەچێت كە ئەلبومێكە بەناوی (خۆشەویستی جەژن)، كە لەو ئەلبومەدا گۆرانییەك بۆ كوردستان دەڵێم".

وتیشی: "ئۆپێرایەكی پێكدەهێنین لە گۆرانیبێژی كورد‌و مەسیحی تایبەت لەسەر كوردستان".






ئه‌م بابه‌ته 7768 جار خوێنراوه‌ته‌وه‌‌

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.