حه‌ویجه‌.. له‌به‌ر ئه‌م هۆكاره‌، داعش 3 هاوڵاتی كوشت


خه‌ندان _ حه‌سه‌ن جومعه‌
 
ئێواره‌ی ئه‌مڕۆ چه‌كدارانی داعش له‌ قه‌زای حه‌ویجه‌ ژماره‌یه‌ك هاوڵاتی مه‌ده‌نییان كوشت، به‌ بیانووی ئه‌وه‌ی ئه‌و هاوڵاتیانه‌ ئاماده‌ نه‌بوون په‌یمان بده‌ن بۆ چوونه‌ نێو ریزه‌كانی رێكخراوی‌ تیرۆریستی‌ داعش.
 
محه‌مه‌د سورچی، ئه‌فسه‌ری پێشمه‌رگه‌ به‌ خه‌ندان_ی راگه‌یاند: "ئێواره‌ی ئه‌مڕۆ هه‌ینی 17ی ته‌موزی 2015  چه‌كدارانی داعش له‌ قه‌زای حه‌ویجه‌ ژماره‌یه‌ك هاوڵای مه‌ده‌نیان كوشت".
 
وتیشی: "كوشتنی ئه‌و هاوڵاتیانه‌ بۆ ئه‌وه‌ ده‌گه‌ڕیته‌وه‌ كه‌  ئاماده‌ نه‌بوون په‌یمان بده‌نه‌ چه‌كدارانی داعش و بچنه‌ ناو ریزه‌كانیانه‌وه‌".
 
ئه‌و ئه‌فسه‌ره‌، راشیگه‌یاند كه‌، هه‌ر ئه‌مڕۆ چه‌كدارانی داعش ماڵی دوو هاوڵاتی هه‌ڵاتوویان ته‌قاندۆته‌وه‌". 

ئه‌م بابه‌ته 24982 جار خوێنراوه‌ته‌وه‌‌

نیشانە کردن

‌داعش‌‌كوشت‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM