زۆرترین خوێنراو
 
Loading
له‌ڕێگای لینكێكه‌وه‌ بزانن ئیمه‌یڵه‌كانتان هاككراوه‌ یان نا
PM:07:00:15/07/2012
خه‌ندان- دانا ته‌یب مه‌نمی 
كۆمپانیایه‌كی ئاسایش و پارێزگاری ته‌كنه‌لۆژی به‌سته‌رێكی له‌سه‌ر تۆڕی ئینته‌رنێت دروستكردووه‌ بۆ دڵنیابوونه‌وه‌ له‌وه‌ی ئایا ئیمه‌ڵه‌كه‌ت هاككراوه‌ یان نا.

به‌پێی هه‌واڵێكی سایتی سی ئێن ئێن، كۆمپانیای سوسۆری پسپۆڕ له‌ سیستمه‌كانی ئاسایش و پارێزگاری ئه‌له‌كترۆنی بۆ وه‌ڵامی ئه‌و پرسیاره‌ی ژماره‌یه‌كی زۆر له‌و كه‌سانه‌ی ده‌ترسن ئیمه‌یڵه‌كانیان هاككرابێت، لینكی (http://labs.sucuri.net/?yahooleak) دروستكردووه‌.

به‌پێی سه‌رچاوه‌كه‌ به‌سته‌ره‌كه‌ مه‌ترسی نییه‌ و به‌كارهێنه‌ر ته‌نها پێویسته‌ ناونیشانی پۆسته‌ ئه‌له‌كترۆنییه‌كه‌ی بنوسێت و پێویست به‌ نووسینی وشه‌ی نهێنی ناكات، دوای كلیك كردنی ئایكۆنی (CHECK EMAIL) گه‌ڕان ده‌كات  له‌ناو لیستی ئه‌و ئیمه‌یڵانه‌ی هاككراون و به‌كارهێنه‌ر دڵنیاده‌كاته‌وه‌ به‌وه‌ی ئیمه‌یله‌كه‌ی هاككراوه‌ یان نا.

دوای نووسینی ناونیشانی پۆسته‌ ئه‌له‌كترۆنییه‌كه‌ و كلیك كردنی ئایكۆنی (CHECK EMAIL) دوو ئه‌نجام ده‌رده‌كه‌وێت: یان ئه‌وه‌تا ئه‌و ئیمه‌یڵه‌ی داغڵكراوه‌ "باشه‌" یان "هاككراوه‌".

هه‌روه‌ها ئه‌و كه‌سانه‌ی ئیمه‌یڵی كۆمپانیاكانی تریان هه‌یه‌ ده‌توانن له‌ ئیمه‌یڵه‌كانیان دڵنیاببنه‌وه‌.

ئه‌م بابه‌ته 5114 جار خوێنراوه‌ته‌وه‌‌

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.