به‌ ڤیدیۆ.. چركه‌ساتی چوونه‌ ژووره‌وه‌ی خۆكوژه‌كه‌ی كوه‌یت و خۆته‌قاندنه‌وه‌ی

خه‌ندان ـ

ئه‌مڕۆ هه‌ینی له‌ مزگه‌وتێكی كوه‌یت و له‌كاتی به‌ڕێوه‌چوونی نوێژی هه‌ینی ته‌قینه‌وه‌یه‌ك روویدا و به‌هۆه‌یه‌وه‌ 227 كه‌س كوژران و برینداربوون.

ئاژانسی سكای نیوز بڵاویكرده‌وه‌ كه‌ ته‌قینه‌وه‌كه‌ خۆكوژی بووه‌و له‌ مزگه‌وتی ئیمام سادق له‌ ناوچه‌ی (سه‌وابر)ی ناوه‌ڕاستی كوه‌یت روویداوه‌.

هاوكات سه‌رچاوه‌ ته‌ندروستییه‌كانی كوه‌یت رایانگه‌یاند كه‌ به‌هۆی ته‌قینه‌وه‌ خۆكوژییه‌كه‌وه‌، ده‌یان نوێژخوێن كوژراون و برینداربوون كه‌ ژماره‌یه‌كیان منداڵ و كه‌سانی به‌ساڵاچوون.

به‌پێی میدیاكانی كوه‌یت، هه‌ندێك له‌ نه‌خۆشخانه‌كان، باری كتوپڕیان راگه‌یاندووه‌ بۆ پێشوازیكردن له‌ بریندار و به‌ركه‌وتووه‌كانی ئه‌و ته‌قینه‌وه‌ خۆكوژییه‌.

ئاژانسه‌كه‌ ئه‌وه‌ی پشتڕاستكرده‌وه‌ كه‌ 25هاوڵاتیی كوه‌یت له‌و ته‌قینه‌وه‌ خۆكوژییه‌دا گیانیان له‌ده‌ستداوه‌ و 202ی دیكه‌ش برینداربوون و رێكخراوی تیرۆرستیی داعشیش به‌پرسیارێتیی كرده‌وه‌كه‌ی خستووه‌ته‌ ئه‌ستۆی خۆی.

ر.ع








ئه‌م بابه‌ته 56402 جار خوێنراوه‌ته‌وه‌‌


Copyright © 2015 Xendan.org all rights reserved
Design by AVESTA GROUP , programming and database by KURDSKY.COM