عه‌قڵی‌ ئه‌لیكترۆنی‌ داعش ئاشكرا بوو

خه‌ندان –
 دواجار ناسنامه‌ی‌ تۆمه‌تباری‌ سه‌ره‌كی‌ ژماره‌یه‌ك پرسی‌ هاككردن ئاشكرابوو كه‌ به‌ عه‌قڵی‌ ئه‌لیكترۆنی‌ رێكخراوی‌ تیرۆریستی‌ داعش داده‌نرێت.

به‌گوێره‌ی‌ لێكۆڵینه‌وه‌كان، ئه‌و كه‌سه‌ی‌ چه‌ندین هاككردنی‌ ئه‌نجامداوه‌ هه‌ر له‌ هاككردنی‌ هه‌ژماری‌ فه‌رمانده‌یی ناوه‌ندی‌ هێزه‌كانی‌ سورپای‌ ئه‌مریكا تاده‌گاته‌ هه‌ژماره‌ی‌ كه‌سایه‌تییه‌ به‌ناوبانگه‌كان، ناوی‌ جونه‌ید حسێنه‌ كه‌ نازناوی‌ ئه‌بو حسێن به‌ریتانی‌ ئه‌لداعشی‌ هه‌یه‌ و پسپۆڕه‌ له‌ هاككردندا.

ئه‌بو حسێن خه‌ڵكی‌ شاری‌ پێرمنگهامی‌ به‌ریتانییه‌ و له‌ 2012دا دوای‌ دزینی‌ چه‌ند زانیارییه‌كی‌ تایبه‌تی‌ له‌سه‌ر ئینته‌رنێت، ده‌ستگیر كرا.
كه‌ناڵی‌ ئه‌لعه‌ره‌بیه‌ له‌ زاری‌ سه‌رچاوه‌كانیه‌وه‌ جه‌ختی‌ له‌وه‌ كرده‌وه‌ كه‌ جونه‌ید حسێن له‌ چه‌ندین پرسی‌ هاككردنی‌ هه‌ژماری‌ فه‌رمانده‌یی ناوه‌ندی‌ ئه‌مریكا له‌هه‌ردوو تۆڕی‌ كۆمه‌ڵایه‌تی‌  تویته‌ر و یوتیوب و ئاشكراكردنی‌ زانیاری‌ 100 سه‌ربازی‌ ئه‌مریكی‌ و داواكردنی‌ ئه‌نجامدانی‌ هێرش له‌ ئۆهایۆ، منیسوتا و كۆلۆرادۆ ده‌ستی‌ هه‌بووه‌.

به‌ گوێره‌ی‌ رۆژنامه‌ی‌ "Daily mail"ی‌ به‌ریتانی‌، له‌گه‌ڵ‌ ئه‌وانه‌شدا جونه‌ید به‌ عه‌قڵی‌ ئه‌لیكترۆنی‌ رێكخراوی‌ تیرۆریستی‌ داعش داده‌نرێت و چووه‌ته‌سوریا و په‌یوه‌ندی‌ به‌ رێكخراوی‌ تیرۆریستی‌ داعشه‌وه‌ كردووه‌ به‌ئامانجی‌ مه‌شقپێكردنی‌ چه‌كدارانی‌ رێكخراوه‌كه‌ له‌سه‌ر هاككردنی‌ هه‌ژماره‌ی‌ بانكی‌ كه‌سایه‌تییه‌ به‌ناوبانگه‌كان و ره‌وانه‌كردنی‌ پاره‌كانیان بۆ حساباتی‌ تایبه‌ت بۆ پشتیوانیكردنی‌ داعش.

له‌گه‌ڵ‌ ئه‌وانه‌شدا ئه‌بو حسێن ئه‌لبه‌ریتانی‌ توانیویه‌تی‌ سالی‌ جۆنزی‌ هاوسه‌ری‌ كه‌ گۆرانیبێژێكی‌ به‌ریتانیه‌ و و ته‌مه‌نی‌ 45 ساڵه‌، متمانه‌ پێبهێنێت له‌گه‌ڵ‌ حسێنی‌ كوڕیدا په‌یوه‌ندی‌ به‌ رێكخراوی‌ تیرۆریستی‌ داعشه‌وه‌ له‌ سوریا بكه‌ن و سه‌ركردایه‌تی‌ كه‌تیبه‌ی‌ ئه‌لخه‌نسا وه‌ربگرێت كه‌ یه‌كێكه‌ له‌ كه‌تیبه‌ توندڕه‌وه‌كانی‌ داعش بكات.



ئه‌م بابه‌ته 24488 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM