ئه‌مریكا چه‌كی‌ دژه‌ ئوتۆمبێلی‌ بۆمبڕێژكراو، ده‌داته‌ عیراق

خه‌ندان-

وه‌زاره‌تی‌ ده‌ره‌وه‌ی‌ ئه‌مریكا (پنتاگۆن) رایگه‌یاند، واشنتۆن له‌ هه‌فته‌ی‌ داهاتوودا 2000 پارچه‌ چه‌كی‌ قورس و سوكی‌ دژه‌ زریپۆش، ره‌وانه‌ی‌ عیراق ده‌كات، رونیشكرده‌وه‌، له‌ڕێی‌ ئه‌و چه‌كانه‌وه‌ عیراق ده‌توانێت ئه‌و ئوتۆمبێله‌ بۆمبڕێژكراوانه‌ قه‌ڵاچۆبكات كه‌ له‌لایه‌ن رێكخراوی‌ تیرۆریستی‌ داعشه‌وه‌، به‌كارده‌هێنرێن.

ئاژانسی‌ (ئه‌سۆشێتد پرێس) له‌زاری‌ كۆڵۆنێڵ ستیڤ وارن وته‌بێژی‌ وه‌زاره‌تی‌ به‌رگری‌ ئه‌مریكاوه‌ بڵاویكرده‌وه‌: "له‌ هه‌فته‌ی‌ داهاتوودا بارێكی‌ چه‌ك كه‌ له‌ 2000 پارچه‌ چه‌كی‌ قورس و سوك پێكدێت، ده‌گاته‌ عیراق"، رونیشكرده‌وه‌، ئه‌و چه‌كانه‌ به‌شێوه‌یه‌ك دیزاین كراون كه‌ زریپۆشه‌كان ده‌بڕن و ده‌بنه‌ مایه‌ی‌ رێگرتن له‌و ئوتۆمبێله‌ بۆمبڕی‌ێژكراوانه‌ی‌ كه‌ له‌لایه‌ن تیرۆریستانی‌ داعشه‌وه‌ له‌ هه‌فته‌ی‌ رابردوودا له‌ رومادی‌ به‌كارهێنران".
 
وارن وتیشی‌: "بۆ پشتیوانی‌ له‌و هه‌وڵانه‌ی‌ بۆ رزگاركردنی‌ ناوچه‌كانی‌ ژێر ده‌سه‌ڵاتی‌ داعش خراونه‌ته‌گه‌ڕ، ولایه‌ته‌ یه‌كگرتووه‌كان په‌له‌ ده‌كات له‌ ره‌وانه‌كردنی‌ چه‌كی‌ تر و ئامێری‌ ته‌كنه‌لۆجی‌ پێشكه‌وتوو بۆ عیراق".

پێشتر به‌رپرسێكی‌ باڵا له‌ وه‌زاره‌تی‌ ده‌ره‌وه‌ی‌ ئه‌مریكا رایگه‌یاند، بۆ به‌رپه‌رچدانه‌وه‌ی‌ ته‌قینه‌وه‌ خۆكوژییه‌كانی‌ داعش، واشنتۆن به‌نیازه‌ هه‌زار پارچه‌ چه‌كی‌ دژ به‌ تانك له‌ مانگی‌ حوزه‌یرانی‌ داهاتوودا، راده‌ستی‌ عیراق بكات.  
    

أ.ج


ئه‌م بابه‌ته 1291 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM