هه‌ڵمه‌تی‌" ئیتر به‌سه‌" ده‌ستی‌ پێكرد

خه‌ندان_ سۆران

ئه‌میر خانه‌قینی، چالاكوانی‌ كۆمه‌ڵی‌ مه‌ده‌نی‌ و خاوه‌ن بیرۆكه‌ی‌ هه‌ڵمه‌تی‌ "ئیتر به‌سه‌" له‌ قه‌زای‌ خانه‌قین، به‌ خه‌ندان_ی‌ راگه‌یاند :" هه‌ڵمه‌ته‌كه‌ له‌ شاری خانه‌قین دوێنێ‌ پێنجشه‌ممه‌ 14ی‌ ئایار ده‌ستمان پێكرد، من وه‌ك خاوه‌نی بیرۆكه‌كه‌ له‌ رێكای تۆری كۆمه‌ڵاتی فه‌یسبۆك ده‌ستم پێكرد دواتر بووه‌ پرسێكی‌ گشتی و له‌ ئێستادا به‌ ده‌یان رۆشنبیر و رۆزنامه‌نووس و چالاكوانی مه‌ده‌نی و هاوڵاتیان به‌شداری تێداده‌كه‌ن".

ئاماژه‌ی‌ به‌وه‌شدا، كه‌ هه‌ڵمه‌ته‌كه‌یان به‌ دروشمی "ئیتر به‌سه‌" به‌ڕێوه‌ ده‌چێت، وتیشی :" هه‌ڵمه‌ته‌كه‌مان له‌ دزی گه‌نده‌ڵی و فه‌رامۆشكردنی شاره‌كه‌مان و بچوككردنێتی، هه‌روه‌ها له‌ دژی مانه‌وه‌ی كه‌سانیكن كه‌ به‌ درێژاریی 12 ساڵ له‌ پۆسته‌كانیان ماونه‌ته‌وه‌".

یه‌كێك له‌ داواكاریی هه‌ڵمه‌ته‌كه‌، وه‌رگرتنی‌ خوێندكاره‌ ده‌رچووه‌كانی پۆلی شه‌شه‌می ئاماده‌ییه‌ له‌ زانكۆ و په‌یمانكاكانی كوردستان، ئه‌میر خانه‌قینی وتیشی :" داواكارین، هاوڵاتیانی شاره‌كه‌مان چیتر بێ ده‌نگ نه‌بن له‌ به‌رامبه‌ر ئه‌و ناهه‌قي و گه‌نده‌ڵییانه‌ی‌ ده‌كرێـت، چونكه‌ خانه‌قین به‌ ده‌ست ده‌یان كێشه‌وه‌ ده‌ناڵێنیت.

وتيشي هه‌ڵمه‌ته‌كه‌يان درێژه‌ی هه‌یه‌و و هه‌وڵیش ده‌ده‌ن فراوانتری‌ بكه‌نه‌وه‌، بۆیه‌ :"داواكارین له‌ لایه‌نی په‌یوه‌ندیكار رێگه‌ چاره‌یه‌ك بدۆزێته‌وه‌ بۆ كێشه‌كانی خانه‌قین، چونكه‌ قه‌زاكه‌مان له‌ قه‌یراندایه‌ له‌ هه‌موو رویه‌كه‌وه‌.

درووشمه‌كان بریتین له‌:

ئیتر بەسە بێ دەنگی.
ئیتر بەسە فەرامۆش كردنی خانەقین.
ئیتر بەسە بچووكردنی خانەقین.
ئیتر بەسە مانەوە لە پۆستێك بە درێژایی 12 ساڵ.
ئیتر بەسە گەندەڵی.
ئیتر بەسە زیادە رۆیی لەسەر موڵكی گشتی.
ئیتر بەسە دژایەتی كردنی كەسە دڵسۆز و دەست پاكەكان.
ئیتر بەسە بێ كاری.
ئیتر بەسە سڕینەوە و گرنگی پێنەدان بە مێژوو و ئاسەوارەكانی شارەكەمان.
ئیتر بەسە وەرنەگرتنی دەرچوانی خانەقین لە زانكۆ و پەیمانگاكانی هەرێمی كوردستان.
ئیتر بەسە رێگاوبانەكانی خانەقین رۆژ لە دوای رۆژ خراپ تر دەبێت.










ر.ع

ئه‌م بابه‌ته 10501 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM