زۆرترین خوێنراو
 
Loading
نوێنه‌رایه‌تی حكومه‌تی هه‌رێم له‌ تاران روونكردنه‌وه‌یه‌ك بڵاوده‌كاته‌وه‌
PM:01:35:12/05/2015
خه‌ندان-

نوێنه‌رایه‌تی حكومه‌تی هه‌رێمی كوردستان ئه‌و ده‌نگۆیانه‌ ره‌تده‌كاته‌وه‌ كه‌ لێره‌ و له‌وێ به‌ناوی نوێنه‌رایه‌تییه‌كه‌یانه‌وه‌ له‌ ماڵپه‌ڕ و سایته‌كان بڵاوكراونه‌ته‌وه‌ و ده‌ڵێت: "بۆ شكاندنی پیرۆزییه‌كانی حكومه‌تی هه‌رێمی كوردستان و نوێنه‌رایه‌تییه‌كه‌یه‌تی له‌ تاران".

له‌و روونكردنه‌وه‌یه‌دا، كه‌ وێنه‌یه‌كی بۆ خه‌ندان نێردراوه‌، تیایدا هاتووه‌: "ماوه‌یه‌كه‌ له‌ چه‌ن ماڵپه‌ڕ و ده‌زگای راگه‌یاندنه‌وه‌ چه‌ندین هه‌واڵ و بابه‌ت به‌ مه‌به‌ستی شكاندنی پیرۆزییه‌كانی حكومه‌تی هه‌رێمی كوردستان و نوێنه‌رایه‌تییه‌كه‌ی له‌ تاران بڵاوده‌بنه‌وه‌ كه‌ دوورن له‌ راستییه‌وه‌ و و هه‌موو یاسا و رێسا ئه‌خلاقییه‌كانیان تێپه‌ڕاندووه‌ بۆ گه‌یشتن به‌ مه‌رامی گڵاوی خۆیان".

ده‌شڵێت: "له‌ دوایین هه‌وڵی له‌م چه‌شنه‌شدا هه‌واڵێكیان بڵاوكردووه‌ته‌وه‌ كه‌ گوایه‌ مامۆستا نازم عومه‌ر ده‌باغ نوێنه‌ری حكومه‌تی هه‌رێمی كوردستان له‌ وتووێژ له‌گه‌ڵ ئاژانسی هه‌واڵی ئیرنای ئێرانیدا سه‌باره‌ت به‌ رووداوه‌كانی ئه‌م دواییه‌ی مه‌هاباد قسه‌یان كردووه‌، وێڕای ئه‌وه‌ كه‌ به‌ سێرچێكی ساكار ده‌توانین ببینین كه‌ وه‌ها هه‌واڵ و بابه‌تێك له‌ ماڵپه‌ڕی ئیرنادا بوونی نییه‌، رایده‌گه‌یه‌نین جه‌نابیان به‌  هیچ چه‌شنێك له‌م بواره‌دا قسه‌یان نه‌كردووه‌ و به‌ هیچ شێوه‌یه‌ك دژایه‌تی و بێڕێزی به‌ خه‌ڵكی سه‌ربه‌رزی مه‌هاباد و شوێنه‌كانی دیكه‌ ناكه‌ن و رێز و حورمه‌تی خۆشیان بۆ جه‌ماوه‌ری مه‌هاباد دووپات ده‌كه‌نه‌وه‌".

دواجار ئه‌وه‌شی نووسیوه‌: "له‌ڕاستیدا بێڕێزی و بێ ‌حورمه‌تی به‌ خه‌ڵك له‌لایه‌ن ئه‌و كه‌سانه‌وه‌ بووه‌ كه‌ وه‌ها هه‌واڵێكی درۆ و دوور له‌ راستی بڵاوده‌كه‌نه‌وه‌".

خ.غ



ئه‌م بابه‌ته 2044 جار خوێنراوه‌ته‌وه‌‌

هەواڵ

وەرزش

خزمەتگوزاری

سەبارەت

رێکلام

Copyright 2015. Xendan for Publishing and Broadcasting. All Rights Reserved.