خورماتوو .. هاوڵاتییه‌ك رفێندرا

حه‌سه‌ن جومعه‌
خه‌ندان  ـ
له‌ گه‌ڕه‌كێكی قه‌زای خورماتو چه‌ند چه‌كدارێك هاوڵاتییه‌كیان رفاند و به‌ره‌و شوێنێكی نادیار هه‌ڵاتن، پۆلیسیش ده‌ستی به‌ لێكۆڵینه‌وه‌ كردووه‌، به‌لاَم هیچ سه‌ره‌داوێك له‌وباره‌یه‌وه‌ ده‌ست نه‌كه‌وتووه‌.
 
نه‌قیب فاروق ئه‌حمه‌د، به‌ڕێوه‌به‌ری ئاسایشی خورماتوو به‌ خه‌ندانی راگه‌یاند: " له‌ گه‌ڕه‌كی سه‌ربازی له‌لایه‌ن چه‌ند چه‌كدارێكه‌وه‌ هاوڵاتییه‌كی به‌ ره‌گه‌ز توركمانی سوننه‌ رفێندراو دواتر چه‌كداره‌كان به‌ره‌و شوێنێكی نادیار هه‌لاَتوون، كه‌ ئۆتۆمبێلێكی جۆری (مه‌رزییه‌)یان پێ بووه‌".
 
وتیشی: "هاوڵاتییه‌ رفێندراوه‌كه‌ ناوی (محه‌مه‌د خه‌لیل ئیبراهیم مسته‌فا)یه‌ و كه‌سێكی ده‌وڵه‌مه‌ند بووه‌".
 
به‌ڕێوه‌به‌ری ئاسایشی خورماتوو راشیگه‌یاند: "له‌لایه‌ن پۆلیس و ئاسایشه‌وه‌ ده‌ست كراوه‌ به‌ لێكۆڵینه‌وه‌ به‌ڵام تائێستا نه‌توانراوه‌ هیچ كه‌سێك به‌و تۆمه‌ته‌ تاوانبار ده‌ستگیر بكرێت".   


ئه‌م بابه‌ته 1112 جار خوێنراوه‌ته‌وه‌‌


Copyright © 2015 Xendan.org all rights reserved
Design by AVESTA GROUP , programming and database by KURDSKY.COM