زۆرترین خوێنراو
 
Loading
لێدوانی په‌روه‌رده‌ له‌باره‌ی ئه‌نجامی‌ تاقیكردنه‌وه‌كانی پۆلی‌ 12ی ئاماده‌یی
AM:10:50:14/07/2012
خه‌ندان، ئیسماعیل حه‌مه‌ره‌حیم ـ

به‌ڕێوه‌به‌ری‌ گشتی‌ په‌روه‌رده‌ی‌ سلێمانی‌ ئه‌وه‌ی‌ خسته‌ڕوو هێشتا وه‌زاره‌ت داوای‌ نوێنه‌ری‌ په‌روه‌رده‌ی‌ سلێمانی‌ نه‌كردووه‌ بۆ ئاشكراكردنی‌ ئه‌نجامی‌ تاقیكردنه‌وه‌كانی پۆلی‌ 12 ی‌ ئاماده‌یی، بۆیه‌ نازانین چ رۆژێك ئه‌و ئه‌نجامانه‌ ئاشكرا ده‌كرێن.

جه‌بار حه‌مه‌ ئه‌حمه‌د، به‌ڕێوه‌به‌ری‌ گشتی‌ په‌روه‌رده‌ی‌ سلێمانی‌ به‌ خه‌ندانی‌ ڕاگه‌یاند: هیچ واده‌یه‌ك بۆ ئاشكراكردنی‌ ئه‌نجامی‌ پۆلی‌ 12ی‌ ئاماده‌یی دیارینه‌كراوه‌، هه‌رچه‌نده‌ باسی ئه‌وه‌ده‌كرێت كه‌ ڕۆژی‌ دووشه‌مه‌ی‌ داهاتوو ئه‌نجامه‌كان ئاشكراده‌كرێت، به‌ڵام ئه‌و واده‌یه‌ ره‌سمی نییه‌، چونكه‌ هێشتا وه‌زاره‌تی‌ په‌روه‌رده‌ داوای‌ له‌ئێمه‌ نه‌كردووه‌ نوێنه‌ری‌ خۆمان ڕه‌وانه‌ی‌ وه‌زاره‌ت بكه‌ین بۆ وه‌رگرتنه‌وه‌ی‌ ئه‌نجامه‌كان.

وتیشی‌" هیچ شتێكی‌ ره‌سمی‌ به‌ په‌روه‌رده‌كان نه‌گه‌یشتووه‌ سه‌باره‌ت به‌ ئه‌نجامه‌كانی‌ تاقیكردنه‌وه‌كانی پۆلی‌ 12 بۆیه‌ هه‌رشتێك له‌وباره‌یه‌وه‌ بڵاو بكرێته‌وه‌ ڕاست نییه‌".

به‌ڕێوه‌به‌ری‌ گشتی‌ په‌روه‌رده‌ی‌ سلێمانی‌ ئه‌وه‌شی‌ خسته‌ڕوو وه‌زاره‌ت لیژنه‌یه‌كی‌ تایبه‌تی‌ پێكهێناوه‌ بۆلێكۆڵینه‌وه‌ له‌ وانه‌كانی‌ كوردی‌ و كۆمه‌ڵایه‌تی‌ پۆلی‌ نۆی‌ بنه‌ڕه‌تی‌، چونكه‌ خوێندكارێكی‌ زۆر ڕه‌خنه‌یان له‌ ئه‌نجامه‌كانی‌ ئه‌و دوو وانه‌یه‌گرت.

ئاماژه‌ی‌ به‌وه‌شكرد: له‌كاتی‌ داخڵكردنی‌ نمره‌كانی‌ تاقیكردنه‌وه‌كانی وانه‌ی‌ كوردی‌ و كۆمه‌ڵایه‌تی‌ پۆلی نۆی بنه‌ڕه‌تی گرفتێك دروستبووه‌ ئامێری‌ داخڵكردنی‌ نمره‌كان، بۆیه‌ لیژنه‌كه‌ پێداچونه‌وه‌ به‌ ئه‌نجامی‌ ئه‌و دوو وانه‌یه‌دا ده‌كاته‌وه‌، به‌تایبه‌ت ئه‌و قوتابخانانه‌ی‌ تانه‌یان له‌ ئه‌نجامه‌كان گرتووه‌ و هه‌ندێك قوتابخانه‌ی‌ دیكه‌ش كه‌خۆمان گومانمان لێی‌ هه‌یه‌ كه‌ ئه‌نجامه‌كان هه‌ڵه‌بن.

له‌كاتی‌ ئاشكراكردنی‌ ئه‌نجامی‌ تاقیكردنه‌وه‌كانی‌ پۆلی‌ نۆی‌ بنه‌ڕه‌تی‌ ژماره‌یه‌كی‌ زۆر خوێندكار نیگه‌رانیان له‌وه‌ده‌ربڕی‌ به‌وه‌ی‌ له‌وانه‌كانی‌ كوردی‌ و كۆمه‌ڵایه‌تی‌ نمره‌ی‌ كه‌میان بۆ گه‌ڕاوه‌ته‌وه‌.

خه‌ندان به‌دواداچونی به‌رده‌وام و به‌په‌له‌ بۆ هه‌واڵه‌كانی دامه‌زراندن و راگه‌راندنی نمره‌ی تاقیكردنه‌وه‌كانی خوێندكاران ده‌كات، بۆ ئه‌و مه‌به‌سته‌ش خوێندكاران ده‌توانن به‌شداری بكه‌ن له‌ خزمه‌تگوزاری خه‌ندان (SMS) و له‌ رێی مۆبایله‌كانیانه‌وه‌ هه‌واڵی به‌په‌له‌ی سایتی (خه‌ندان)یان پێده‌گات.
ئه‌م بابه‌ته 8617 جار خوێنراوه‌ته‌وه‌‌

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.