ژماره‌ی ئاواره‌كان له‌ 2014دا گه‌یشتووه‌ته‌ 60 ملیۆن

خه‌ندان -
كۆمسیۆنی باڵای په‌نابه‌رانی سه‌ربه‌ نه‌ته‌وه‌ یه‌كگرتووه‌كان رایگه‌یاند، ژماره‌ی ئاواره‌و هه‌ڵاتووه‌كانی پاش كێشه‌و ناكۆكییه‌كان له‌جیهاندا له‌ساڵی رابردودا ریكۆردێكی تۆماركردووه‌و گه‌یشتووه‌ته‌ 60 ملیۆن.

كۆمسیۆنه‌كه‌ ئاماژه‌ی به‌ زیادبونێكی سه‌رسوڕهێن داوه‌ له‌ژماره‌ی ئه‌وانه‌ی هه‌ڵاتن و ئاواره‌بون و ده‌ڵێت، به‌كۆتاییهاتنی ساڵی 2014 ئه‌و ژماره‌یه‌ گه‌یشتووه‌ته‌ 59 ملیۆن و 500 هه‌زار په‌نابه‌رو هه‌ڵاتوو له‌كاتێكدا له‌ساڵی پێشوتردا 51 ملیۆن و 200 هه‌زار بووه‌.

كۆمسیۆنه‌كه‌ باسی له‌وه‌ش كردووه‌ كه‌ ژماره‌ی ئاواره‌كان 10 ساڵ له‌مه‌وبه‌ر 37 ملیۆن و 500 هه‌زار كه‌س بووه‌و ئه‌و زیادبونه‌ی له‌ساڵی 2013ه‌وه‌ رویداوه‌ به‌رزترین ژماره‌یه‌ كه‌ له‌ساڵێكدا رویدا بێت.

به‌گوێره‌ی راپۆرته‌كه‌ی كۆمسیۆن له‌ساڵی 2014دا رۆژانه‌ 42 هه‌زارو 500 كه‌س ئاواره‌ بون یان هه‌ڵاتون یان داوای مافی په‌نابه‌رییان كردووه‌.

له‌لایه‌ن خۆیه‌وه‌ ئه‌نتۆنیۆ جۆتێریس كۆمیسیاری باڵای په‌نابه‌ران به‌ رۆژنامه‌نوسانی راگه‌یاند، ئاژانسه‌ مرۆییه‌كان چیتر له‌توانایاندا نیه‌ كۆمه‌كی مرۆیی بۆ سه‌رجه‌م قوربانیانی ناكۆییه‌كان دابینبكه‌ن و پێشبینیشی كرد ژماره‌ی ئاواره‌و هه‌ڵاتووه‌كان به‌ هاتنی كۆتایی ئه‌مساڵ بگاته‌ لوتكه‌.

له‌عه‌ره‌بییه‌وه‌: والی عه‌لی
سه‌رچاوه‌: aleqt.com


ئه‌م بابه‌ته 430 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM