نرخی‌ دۆلار ‌و سه‌رجه‌م دراوه‌كان به‌رزتر بوونه‌وه‌

خه‌ندان – هۆگر كه‌مال

كه‌مێك له‌مه‌وبه‌ر له‌ بازاڕه‌كانی‌ گۆڕینه‌وه‌ی‌ دراوی‌ شاری‌ سلێمانی‌، نرخی‌ 100 دۆلاری‌ ئه‌مریكی‌ گه‌یشته‌ 142 هه‌زار دینار، هه‌روه‌ها نرخی‌ 100 یۆرۆش گه‌یشته‌ 159 هه‌زار دینار، ئه‌مه‌ش ئه‌وه‌ ده‌رده‌خات كه‌ نرخی‌ دراوه‌كان به‌تایبه‌تی‌ دۆلار رۆژ به‌رۆژ له‌ به‌رزبوونه‌وه‌دایه‌.

ئاكام عه‌بدوڵا، له‌ نووسینگه‌ی سیمبولی هه‌ڵه‌بجه‌ بۆ ئاڵوگۆڕی دراوه‌كان له‌ بازاڕی دراوی شاری سلێمانی به‌ خه‌ندانی راگه‌یاند:  كاتژمێر 3:30 خوله‌كی‌ ئه‌مڕۆ دووشه‌ممه‌، نرخی 100 دۆلاری ئه‌مریكی گه‌یشته‌ 142 هه‌زار دینار، هه‌روه‌ها 100 یۆرۆ گه‌یشته‌ 159 هه‌زار دینار ‌و ، 100 پاوه‌ن بوو به‌ 215 هه‌زار دینار.

ئاماژه‌ی‌ به‌وه‌شدا، كه‌ "نرخی‌ 100 هه‌زار تمه‌نی ئێرانی گه‌یشته‌ 44 هه‌زار دینار ‌و 100 لیره‌ی توركیش بوو به‌ 54 هه‌زار دینار".

به‌یانی‌ ئه‌مڕۆ دووشه‌ممه‌، نرخی 100 دۆلاری ئه‌مریكی به‌ 137 هه‌زار و 500 دینار بوو، هه‌روه‌ها 100 یۆرۆ به‌ 154 هه‌زار و 500 دینار ‌و 100 پاوه‌ن به‌ 210 هه‌زار و 500 دینار بوو، ئه‌مه‌ جگه‌له‌وه‌ی‌ 100 هه‌زار تمه‌نی‌ ئێرانی‌ به‌ 41 هه‌زار ‌و 500 دینار ‌و 100 لیره‌ی‌ توركیش به‌ 51 هه‌زار دینار بوو.

ماوه‌ی‌ سێ‌ رۆژه‌ نرخی‌ دراوه‌كان به‌ تایبه‌تی‌ دۆلاری‌ ئه‌مریكی‌ به‌ رێژه‌یه‌كی‌ به‌رچاو به‌رزبوونه‌وه‌ی‌ به‌خۆیه‌وه‌ بینیووه‌.


ئه‌م بابه‌ته 16658 جار خوێنراوه‌ته‌وه‌‌

نیشانە کردن

‌نرخ ‌‌دۆلار‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM