زۆرترین خوێنراو
 
Loading
عه‌لاوی هۆشداری له‌ كێشانی نه‌خشه‌ی نوێ له‌ ناوچه‌كه‌ ده‌دات
AM:11:27:12/05/2015
خه‌ندان ـ

جێگری سه‌رۆك كۆماری عیراق هۆشدارییدا له‌ كێشانی نه‌خشه‌ی جوگرافی و كۆمه‌ڵایه‌تیی نوێ له‌ خۆرهه‌ڵاتی ناوه‌ڕاست و داوایكرد له‌ڕێی رێكخستنی كۆنگره‌یه‌كی نێوده‌وڵه‌تی، ئاشتبوونه‌وه‌ی نیشتمانی له‌ عیراق و ناوچه‌كه‌ بێته‌كایه‌وه‌.

له‌میانی به‌شداریكردنی له‌ مونته‌دای پازده‌یه‌می ده‌وحه‌ كه‌ 500 كه‌س له‌ 80 وڵاته‌وه‌ به‌شدارییان تێداكردووه‌ و ماوه‌ی سێ رۆژ ده‌خایه‌نێت، ئه‌یاد عه‌لاوی، جێگری سه‌رۆك كۆماری عیراق نیگه‌رانی له‌ دۆخی خۆرهه‌ڵاتی ناوه‌ڕاست ده‌ربڕی و رایگه‌یاند: "ئێمه‌ ناسنامه‌ی نیشتمانیی خۆمان له‌ده‌ستداوه‌ و تایه‌فه‌گه‌ریی سیاسیی و ناوچه‌یش رێگه‌ی بۆ تیرۆر و گروپه‌ توندڕه‌وه‌كان خۆشكرد."

ئه‌یاد عه‌لاوی به‌راشكاوی رایگه‌یاندووه‌ كه‌ ده‌ستوه‌ردانی ده‌ره‌كی و پشتیوانیی هه‌ندێك وڵات له‌ هێزی تیرۆر، نه‌ك هه‌ر كێشه‌ی هه‌ندێك وڵاتی كه‌ڵه‌كه‌ كرد، به‌ڵكو ره‌نگدانه‌وه‌ خراپه‌كانی وایكرد كه‌ گۆڕانكاریی دیمۆگرافی بێته‌ ناوچه‌كه‌وه‌، به‌تایبه‌ت دوای كۆچی زۆره‌ملێی خه‌ڵكێكی زۆر له‌ ناوچه‌ی خۆرهه‌ڵاتی ناوه‌ڕاست.

عه‌لاوی روونیكرده‌وه‌ كه‌ به‌هۆی توندوتیژییه‌وه‌ حه‌وت ملیۆن كه‌س له‌ سوریا ئاواره‌ی ناوخۆ و ده‌ره‌وه‌ بوون و له‌ عیراقیش ژماره‌ی ئاواره‌ ناوخۆییه‌كان گه‌یشتووه‌ته‌ سێ ملیۆن، ئه‌مه‌ جگه‌ له‌ وڵاتانی سودان و سۆمال و لیبیا و یه‌مه‌ن و چه‌ند ناوچه‌یه‌كی دیكه‌ی خۆرهه‌ڵاتی ناوه‌ڕاست كه‌ كێشه‌كانیان گه‌رموگوڕه‌.

به‌وته‌ی عه‌لاوی، مه‌ترسییه‌ گه‌وره‌كه‌ له‌وه‌دایه‌ ئه‌و گۆڕانكارییه‌ دیمۆگرافییانه‌ ببنه‌هۆی ئه‌وه‌ی دووباره‌ نه‌خشه‌ی جوگرافی و كۆمه‌ڵایه‌تیی ناوچه‌ی خۆرهه‌ڵاتی ناوه‌ڕاست دابڕێژرێته‌وه‌ و ئه‌وه‌ش كار له‌ وڵاتانی ناوچه‌كه‌ بكات.

عه‌لاوی داواشیكرد كۆنگره‌یه‌كی نێوده‌وڵه‌تی بۆ كێشه‌كانی خۆرهه‌ڵاتی ناوه‌ڕاست به‌چاودێریی نه‌ته‌وه‌ یه‌كگرتووه‌كان سازبكرێت تا چاره‌سه‌ر بۆ كێشه‌كانی ناوچه‌كه‌ بدۆزرێته‌وه‌ و ئاشتبوونه‌وه‌ له‌نێوان وڵاتان به‌گشتی و عیراق به‌تایبه‌تی بێته‌كایه‌وه‌.

ر.ع

خ.غ



ئه‌م بابه‌ته 1956 جار خوێنراوه‌ته‌وه‌‌

هەواڵ

وەرزش

خزمەتگوزاری

سەبارەت

رێکلام

Copyright 2015. Xendan for Publishing and Broadcasting. All Rights Reserved.