ره‌وتی‌ سه‌در: مالیكی‌ هۆكاریی‌ هه‌موو كێشه‌كانی‌ عیراقه‌

خه‌ندان-

په‌رله‌مانتارێكی‌ ره‌وتی‌ سه‌در پێیوایه‌، نوری‌ مالیكی‌ جێگری‌ سه‌رۆك كۆمار و سه‌رۆك وه‌زیری‌ پێشوو، هۆكاریی‌ هه‌موو كێشه‌كانی‌ عیراقه‌ و ته‌نیا له‌رێی‌ چاره‌سه‌كردنی‌ ئه‌و كێشانه‌ی‌ مالیكی‌ دروستی‌ كردوون، ره‌وشی‌ ئه‌منی‌ وڵات سه‌قامگیرده‌بێت.    

عه‌واد عه‌وادی‌ په‌رله‌مانتاری‌ فراكسیۆنی‌ ئه‌حراری‌ سه‌ر به‌ ره‌وتی‌ سه‌در رایگه‌یاند:" سه‌قامگیربوونی‌ ره‌وشی‌ ئه‌منی‌، وابه‌سته‌ی‌ چاره‌سه‌ركردنی‌ كێشه‌كانه‌ له‌گه‌ڵ نوری‌ مالیكی‌ سه‌رۆك وه‌زیری‌ پێشوو".

عه‌وادی‌ له‌ لێدوانێكی‌ رۆژنامه‌وانیدا وتی‌: " له‌ سایه‌ی‌ ئه‌م بزاوتنه‌ سیاسییه‌ی‌ له‌نێوان حكومه‌تی‌ ئێستاو حكومه‌تی‌ پێشوودایه‌، ره‌وشی‌ ئه‌منی‌ سه‌قامگیریی‌ به‌خۆوه‌ نابینێت".
   
وتیشی‌: "دوای‌ ئه‌وه‌ی‌ كێشه‌یه‌كی‌ زۆری‌ له‌گه‌ڵ حزبه‌كان و له‌ حكومه‌تی‌ پێشووا دروست كرد، مالیكی‌ به‌رپرسی‌ یه‌كه‌می‌ زۆرێك له‌و كێشانه‌یه‌ كه‌ له‌ئێستادا عیراق پێوه‌یان گیرۆده‌یه‌".
 
به‌ وته‌ی‌ ئه‌و په‌رله‌مانتاره‌ی‌ ره‌وتی‌ سه‌در، چاره‌سه‌ركردنی‌ ئه‌و كێشانه‌، ده‌بێته‌ مایه‌ی‌ سه‌قامگیریی‌ ره‌وشی‌ ئه‌منی‌ و باشبوونی‌ دۆخی‌ وڵات.



پ.ز


ئه‌م بابه‌ته 1225 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM