زۆرترین خوێنراو
 
Loading
"خەندان" زانیاری نوێ لەبارەی مامۆستا ئەمریكییە كوژراوەكەوە بڵاودەكاتەوە (نوێكراوەتەوە)
PM:12:03:01/03/2012
خەندان - هەستیار غەمگین

یەكێك لە مامۆستاكانی قوتابخانەی میدیای نمونەیی كە نەیویست ناوی بڵاوبكرێتەوە بە سایتی "خەندان"ی راگەیاند ئەو مامۆستا ئەمریكییەی سەرلەبەانی ئەمڕۆ لە شاری سلێمانی كوژرا، پیاو بووەو ناوی جێرما سمۆڵ-ەو، لەدایكبووی 1978ەو خەڵكی واشنتۆنە..

وتیشی: مامۆستاكە ماوەی 5 ساڵە لە هەرێمی كوردستان وانە دەڵێتەوە.

ئەوەشی خستەڕوو پێشتر كێشەیەك لەنێوان مامۆستاكەو قوتابییەكەدا روویداوە، بەڵام چاوەڕوان نەكراوە دەرئەنجامی ئەو كێشەیە بگاتە كوشتنی مامۆستاكە.

قوتابییەكە تەمەنی 18 ساڵە ناوی (ب. س. ر)یەو دوای كوشتنی مامۆستاكەی فیشەكێكیشی ناوە بەسەری خۆیەوە.

سەرچاوەیەك لە نەخۆشخانەی فریاكەوتنی سلێمانی بە سایتی "خەندان"ی راگەیاند باری تەندروستی قوتابییەكە ناجێگیرە.

پێشتر سەركەوت ئەحمەد وتەبێژی بەڕێوەبەرایەتی پۆلیسی سلێمانی بە سایتی "خەندان"ی راگەیاند سەرلەبەیانی ئەمڕۆ قوتابییەكی قوتابخانەی میدیای نمونەیی تەقەی لە مامۆستایەكی خۆی كردووەو كوشتوویەتی.


وتیشی مەفرەزەمان ناردووەتە شوێنی رووداوەكەو لێكۆڵینەوەكانیش دەستیان پێكردووە.

ئه‌م بابه‌ته 19286 جار خوێنراوه‌ته‌وه‌‌

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.