نێچیرڤان بارزانی گەیشتە مه‌كته‌بی سیاسی یه‌كێتی

خه‌ندان – هۆگر كه‌مال، هێڤی خالید

کەمێک پێش ئێستا نێچیرڤان بارزانی جێگری سه‌رۆكی پارتی دیموكراتی‌ كوردستان و سه‌رۆكی حكومه‌تی هه‌رێمی كوردستان، بە سه‌ردانێک گەیشتە مه‌كته‌بی سیاسی یه‌كێتیی نیشتیمانیی كوردستان و له‌ لایەن ئه‌ندامانی مه‌كته‌بی سیاسی یه‌كێتییەوە پێشوازی لێکرا.

نیوه‌ڕۆی ئه‌مڕۆ یه‌كشه‌ممه‌ 10ی ئایاری2015، نێچیرڤان بارزانی جێگری سه‌رۆكی پارتی دیموكراتی‌ كوردستان و سه‌رۆكی حكومه‌تی هه‌رێمی كوردستان  به‌ یاوه‌ری هه‌ریه‌ك له‌ دڵشاد شه‌هاب ئه‌ندامی سه‌ركردایه‌تی پارتی، سه‌فین دزه‌یی وته‌بێژی حكومه‌تی هه‌رێمی كوردستان، سه‌ردانی مه‌كته‌بی سیاسی یه‌كێتی بكات، به‌ڵام تائێستا نازانرێت وه‌فده‌كه‌ی پارتی له‌سه‌ر ئاستی‌ مه‌كته‌بی سیاسی‌ پارتی‌ كێی تری‌ له‌گه‌ڵدایه‌.

حاکم قادر حه‌مه‌جان ئه‌ندامی ده‌سته‌ی كارگێری مه‌كته‌بی سیاسی یه‌كێتیی نیشتیمانیی كوردستان به‌ خه‌ندانی راگه‌یاند: " كاتژمێر 11ی پێشنیوه‌ڕۆی  ئه‌مرۆ یه‌كشه‌ممه‌، نێچیرڤان بارزانی سه‌ردانی مه‌كته‌بی سیاسی یه‌كێتی ده‌كات، به‌ڵام تائێستا نازانرێت ئه‌جێندای كۆبوونه‌وه‌كه‌ چی ده‌بێت، به‌ڵام به‌گشتی گفتوگۆ له‌سه‌ر پرسه‌كان ده‌كه‌ن".

له‌ لایه‌كی دیكه‌وه‌ كه‌مێك پێش ئێستا، نێچیرڤان بارزانی، جێگری سه‌رۆكی پارتی دیموكراتی كوردستان گه‌یشته‌ مه‌كته‌بی سیاسی یه‌كێتی نیشتمانی كوردستان و له‌ لایه‌ن ئه‌ندامانی مه‌كته‌بی سیاسییه‌وه‌ پێشوازی لێكرا.

جێی ئاماژه‌یه‌ شه‌وی رابردوو دوای ته‌واوبوونی كردنه‌وه‌ی فیستیڤاڵی فیلمی یه‌كێتی ئه‌وروپا له‌ شاری سلێمانی، نێچیرڤان بارزانی سه‌ردانی نه‌وشیروان مسته‌فا رێكخه‌ری گشتی بزوتنه‌وه‌ی گۆڕانی كرد و چه‌ندین پرسیان تاووتوێكرد.

خ.غ




ئه‌م بابه‌ته 1586 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM