زۆرترین خوێنراو
 
Loading
دواجار نه‌جوا ته‌مه‌نی‌ ئاشكرا ده‌كات
PM:11:56:29/02/2012
خه‌ندان - ئاژانسه‌كان
دوای‌ ئه‌وه‌ی‌ وه‌ك زۆربه‌ی‌ هاوكاره‌كانی‌ له‌ تۆڕی‌ كۆمه‌ڵایه‌تی‌ تویته‌ر په‌یجی تایبه‌تی‌ خۆی‌ كرده‌وه‌، ژنه‌ گۆرانیبێژی‌ لوبنانی‌ نه‌جوا كه‌ره‌م رۆژانه‌ به‌رده‌وامه‌ له‌ بڵاوكردنه‌وه‌ی‌ هه‌واڵ‌ و بۆچوونه‌كانی‌ بۆ هه‌وادارانی‌.

له‌ په‌یجه‌كه‌دا نه‌جوا كه‌ره‌م رای‌ خۆی‌ سه‌باره‌ت به‌ بارودۆخی‌ هونه‌ری‌ ده‌ربڕیوه‌ و شۆڕشێكی‌ هونه‌ری‌ راگه‌یاندووه‌ و ئاماژه‌ی‌ به‌وه‌داوه‌ كه‌ ئه‌وه‌ی‌ ئه‌مڕۆ به‌ناوی‌ هونه‌ره‌وه‌ پێشكه‌ش ده‌كرێت هونه‌ر نییه‌.

نه‌جوا ئه‌وه‌شی‌ خستووه‌ته‌ڕوو كه‌ ته‌نها هه‌ستی‌ نیشتیمانی‌ له‌ گۆڕه‌پانی‌ هونه‌ریدا هێشتوویه‌تیه‌وه‌ و خۆشه‌ویستی‌ ئه‌و كه‌سانه‌ی‌ پێی‌ سه‌رسامن پاڵنه‌رین بۆ ئه‌وه‌ی‌ هونه‌ری‌ زیاتر پێشكه‌ش بكات و لای‌ ئه‌ویش چاره‌سه‌ری‌ ناوه‌ند نییه‌، یان به‌ڵێ‌ یان نه‌خێر.

دوای‌ گه‌ڕانه‌وه‌شی‌ له‌ وڵاتی‌ مه‌غریب كه‌ هاوكات له‌گه‌ڵ‌ یادی‌ له‌دایكبوونی‌، له‌ هاوینه‌هواری‌ مازاغان ئاهه‌نگێكی‌ گۆرانی ئه‌نجامدا، به‌پێچه‌وانه‌ی‌ زۆربه‌ی‌ هونه‌رمه‌نده‌ ئافره‌ته‌كان له‌ په‌یجی‌ تایبه‌تی‌ خۆی‌ له‌ تۆڕی‌ كۆمه‌ڵایه‌تی‌ فه‌یسبووك نامه‌یه‌كی‌ بۆ هه‌وادارانی‌ نووسیوه‌ و تیایدا ته‌مه‌نی‌ راسته‌قینه‌ی‌ خۆی‌ ئاشكرا كردووه‌.

له‌ نامه‌كه‌دا هاتووه‌ "له‌ڕێی‌ تویته‌ر و فه‌یسبووكه‌وه‌ ئه‌و نه‌جوایه‌ ده‌بم كه‌ ده‌مه‌وێت ئه‌مڕۆ له‌گه‌ڵتان بم، ناوم نه‌جوا كه‌ره‌مه‌ و له‌ 26ی‌ شوباتی‌ 1966 له‌ زحله‌ له‌دایك بووم".

نه‌جوا ده‌ڵێت: "به‌ شانازییه‌وه‌ ده‌ڵێم من و زه‌مانه‌ هاوڕێین"، روونیشیكردووه‌ته‌وه‌ كه‌ خۆی‌ له‌ بواری‌ هونه‌ریدا بینیوه‌ته‌وه‌ و غیره‌ له‌و هونه‌رمه‌نده‌ گه‌ورانه‌ ده‌كات كه‌ له‌پێش ئه‌و بوون و له‌ئێستاشدا ده‌یه‌وێت كار له‌سه‌ر ده‌نگی‌ و هونه‌ره‌كه‌ی و ئه‌خلاقی‌ و رووخساری‌ بكات، ژیان به‌خشین و وه‌رگرتنه‌ و زه‌مانه‌ ته‌مه‌نی‌ ده‌وێت و ئه‌ویش ده‌یه‌وێت بیناسێت.



















ئه‌م بابه‌ته 19240 جار خوێنراوه‌ته‌وه‌‌

هەواڵ

وەرزش

رادیۆ

خزمەتگوزاری

سەبارەت

رێکلام

Copyright 2014. Xendan for Publishing and Broadcasting. All Rights Reserved.